Нидерландия миллий жамоаси бош мураббийи Роналд Куман Тунисга (3:1) қарши ўйиндан сўнг ўз фикрларини билдирди.
«Биз квартетда биринчи ўринни эгалладик, мен бу натижадан қониқдим. Аммо ўйин давомида жамоанинг бироз суст ҳаракат қилгани менга ёқмади. Эҳтимол, 7 дақиқа ичида 2:0 ҳисобида олдинга чиқиб олганимиз футболчиларга таъсир қилди.
Бундай муносабат Марокашга қарши ўйинда муаммога айланиши мумкин. Бу жуда яхши ҳужум чизиғига эга жамоа, — дея Куманнинг сўзларини FIFA матбуот хизмати келтиради.
Эслатиб ўтамиз, Нидерландия ўз гуруҳида 7 очко билан пешқадамлик қилмоқда.
