«Манчестер Юнайтед» клуби «Боруссия Д» яримҳимоячиси Феликс Нмечани ўз сафига қўшиб олиш учун курашни кучайтирди. Бу ҳақда журналист Патрик Бергер хабар берди.
Манбага кўра, «қизил иблислар» германиялик 25 ёшли футболчи трансфери борасида «Реал» ва «Манчестер Сити» билан рақобатлашишга тайёр.
Клубнинг спорт директори Кристофер Вивелл футболчининг вакиллари билан мунтазам алоқада бўлиб турибди.
Ўз навбатида Нмеча Дортмундни тарк этишга шошилмаяпти ва асосий эътиборини Германия миллий жамоаси билан жаҳон чемпионатидаги иштирокига қаратган.
Футболчи 2023 йилдан буён «асаларилар» сафида тўп тепиб келади. Унинг амалдаги битими 2030 йилга қадар амал қилади.
