Нидерландия миллий жамоаси бош мураббийи Роналд Куман 2026 йилги жаҳон чемпионатидан чиқиб кетганидан кейин жамоа манзилига янграётган танқидларга муносабат билдирди.
«Бутун Голландия 5 нафар ҳимоячи билан ўйнашимиз кераклигини айтаётганди. Биз айнан 5 ҳимоячи билан майдонга тушдик, аммо барибир танқид қилишди. Яна бир бор айтаман: мен танқидларга парво қилмайман.
Биз, албатта, яхшироқ ўйнашимиз мумкин эди. Айрим вазиятларда жамоа ҳаддан ташқари орқага чекинди.
Ҳимояда ёмон ҳаракат қилмадик, аммо рақибга босим ўтказишда сустлик қилдик. Бундай баҳсларда ўз дарвозанг олдида бунча имконият бериш мумкин эмас. Лекин учрашув аллақачон тугади, энди бу ҳақда гапиришнинг маъноси йўқ», — деди Куман.
Қайд этиш лозим, Нидерландия миллий жамоаси 2026 йилги жаҳон чемпионати билан 1/16 финал босқичида турнир билан хайрлашди. Жамоа Марокашга қарши баҳснинг асосий ва қўшимча вақтида 1:1 ҳисобида дуранг ўйнади, аммо пеналтилар сериясида 3:4 ҳисобида мағлуб бўлди.
