Нидерландия миллий жамоаси 2026 йилги жаҳон чемпионати 1/16 финал босқичида Марокашга қарши баҳснинг асосий вақтида 1:1 ҳисобида дуранг ўйнади, аммо пеналтилар сериясида 2:3 ҳисобида мағлуб бўлди.
Шу тариқа, нидерландияликлар мусобақани тарк этган бўлса-да, кетма-кет тўртинчи жаҳон чемпионатини асосий вақтда бирорта ҳам мағлубиятсиз якунлади.
Нидерландия миллий жамоаси асосий вақтда сўнгги бор 2006 йилги жаҳон чемпионати 1/8 финал босқичида Португалияга 0:1 ҳисобида ютқазганди. Шундан бери жамоа асосий вақтдаги 23 та учрашувда мағлуб бўлмади.
Нидерландиянинг сўнгги жаҳон чемпионатларидаги натижалари:
- 2010 йил — 6 ғалаба, финалда Испанияга қўшимча таймларда мағлубият.
- 2014 йил — 6 ғалаба (улардан бири пеналтилар сериясида), яримфиналда Аргентинага пеналтилар сериясида мағлубият.
- 2018 йил — финал босқичига йўлланма олмаган.
- 2022 йил — гуруҳ босқичида 3 ғалаба ва 1 дуранг, чоракфиналда Аргентинага пеналтилар сериясида мағлубият.
- 2026 йил — гуруҳ босқичида 2 ғалаба ва 1 дуранг, 1/16 финал босқичида Марокашга пеналтилар сериясида мағлубият.
