«Манчестер Сити» бош мураббийи Энцо Мареска клуб АПЛнинг молиявий қоидаларини бузганликда айбдор деб топилгани ҳақидаги масала юзасидан ўз фикрларини билдирди.
«Ростини айтсам, шахсан мен мутлақо хотиржамман. Клубнинг позицияси аниқ ва биз унга тўлиқ ишонамиз. Атрофда бу мавзу бўйича кўп гап-сўзлар борлигини тушунамиз, аммо биз учун энг муҳими — ўзимиз назорат қила оладиган нарсаларга эътибор қаратиш. Биз фақат майдондаги ўйинни назорат қила оламиз.
Ҳиссиётлар ажойиб. Футболчилар олдинда турган иккита ўйинни интиқлик билан кутишмоқда. Айниқса, ҳозир турнир жадвалида пешқадам эканимиз уларга катта руҳ бағишламоқда. Футболчилар айнан шу жиҳатга эътибор қаратган. Улар фақат ўйин давомидаги воқеаларга таъсир кўрсата олишларини тушунишади. Шунинг учун бошқа масалалар уларни умуман безовта қилмаяпти.
Улар ўз вазифаларини яхши билишади ва атрофда шов-шув кўплигини тушунишади, аммо бунга ортиқча аҳамият беришмаяпти. Ҳозир уларнинг бор ўй-хаёллари «Ливерпул»ни қандай мағлуб этиш, «Энфилд»даги мухлислар қаршисида ҳам ғалаба қозониш ҳақида», — дея Маресканинг сўзларини келтиради ESPN.
АПЛнинг 6-туридан ўрин олган «Ливерпул» — «Манчестер Сити» ўйини якшанба куни бўлиб ўтади.
Мареска: «Мутлақо хотиржамман. Футболчиларнинг хаёли «Ливерпул»ни қандай мағлуб этишда»
Футбол
9 октябр, 05:58
«Ман Сити» устози клубнинг молиявий қоидабузарликларда айбдор деб топилганига муносабат билдирди.
Foto: Getty Images
