«Реал Мадрид» ва Германия миллий жамоасининг машҳур собиқ футболчиси Тони Кроос тарихдаги энг яхши дарвозабонлар ТОП-5талигини эълон қилди.
Собиқ яримҳимоячининг рейтингида етакчилик унинг ҳамюрти Мануэл Нойерга, иккинчи ўрин эса италиялик Жанлуижи Буффонга насиб қилди, деб хабар бермоқда The Touchline. Бугунги кунда ҳам «қаймоқранглилар» сафида ўйнаётган собиқ жамоадоши Тибо Куртуа кучли учликни якунлаб берди, «Челси»нинг чехиялик собиқ дарвозабони Петр Чех тўртинчи ўринни эгаллади, «Реал» афсоналаридан бири Икер Касиляс эса атиги бешинчи ўринни эгаллади.
Эслатиб ўтамиз, Тони Кроос 2014 йилдан 2024 йилгача «қироллик клуби»да ўйнаган, шундан сўнг фаолиятини якунлаган. Германиялик футболчи аввалроқ «Бавария» шарафини ҳимоя қилган.
Мухлислар бу янгиликни Telegram’да муҳокама қилмоқда
Изоҳлар Telegram’да очилади