Мадриднинг «Атлетико» клуби яримҳимоячиси Пабло Барриос Европанинг бир қанча етакчи клублари эътиборида. Бу ҳақда инсайдер Экрем Конур ўзининг ижтимоий тармоқдаги саҳифаси орқали хабар берди.
Лондоннинг «Челси» клуби испаниялик футболчини ўз сафига қўшиб олишга қизиқиш билдирмоқда. Аввалроқ парижликлар Луис Энрике ташаббуси билан футболчини сотиб олиши мумкинлиги хабар қилинган эди.
Маълум бўлишича, «аристократлар» Барриос трансфери учун 100 миллион евролик таклиф тайёрламоқда.
Шунингдек, «Ливерпул» ва «Арсенал» Пабло фаолиятини кузатиб бормоқда.
Эслатиб ўтамиз, 23 ёшли марказий яримҳимоячи 2023 йилнинг январидан буён «матрасчилар» сафида тўп тепмоқда. Унинг амалдаги шартномаси 2030 йил июн ойи охиригача мўлжалланган.
