«Арсенал» бош мураббийи Микел Артета жамоа билан шартномасини узайтирганидан сўнг дунёнинг энг кўп маош олувчи футбол мураббийлари рейтингида биринчи ўринга кўтарилди. Бу ҳақда La Vanguardia нашри хабар берди.
Нашр маълумотларига кўра, испаниялик мутахассис йилига тахминан 26 миллион евро маош олади. Бунгача унинг бир мавсумлик даромади 17,3 миллион еврони ташкил этган.
Рейтингда иккинчи ўринни «Ал Ҳилол» бош мураббийи Симоне Инзаги эгаллаган — унинг йиллик маоши 25,7 миллион еврони ташкил этади. Учинчи поғонада эса «Атлетико» устози Диего Симеоне жойлашган бўлиб, у йилига 23,2 миллион евро олади.
Артетанинг «Арсенал» билан янги шартномаси 2030 йилгача амал қилади. Испаниялик мутахассис 2019 йил декабрдан буён Лондон клубини бошқариб келмоқда ва 2025/2026 йилги мавсумда жамоани Англия чемпионига айлантирди.
Мухлислар бу янгиликни Telegram’да муҳокама қилмоқда
Изоҳлар Telegram’да очилади