UFC собиқ жангчиси ва Strikeforce ташкилотининг ўрта вазн тоифасидаги собиқ чемпионлик даъвогари Тим Кеннеди Конго Демократик Республикасидаги отишма пайтида яраланган. Бу ҳақда MMAWeekly нашри хабар бермоқда.
Нашр маълумотларига кўра, аввал АҚШ армиясининг махсус бўлинмасида снайпер бўлиб хизмат қилган Кеннеди ўз отряди билан бирга душман ҳужумига учраган. Отишма давомида унинг оёғига 3 та ўқ теккан. Шундан сўнг у АҚШга эвакуация қилинган.
Ҳозирча ушбу маълумот расмий равишда тасдиқланмаган.
Тим Кеннедининг ММАдаги рекорди — 18 та ғалаба ва 6 та мағлубият. У UFC'да бешта жанг ўтказиб, уларнинг учтасида ғалаба қозонган.
