Камерун миллий жамоасининг собиқ ҳужумчиси Жан Манга-Онгене Франция пойтахти Париж шаҳрида 81 ёшида вафот этди. Бу ҳақда Камерун футбол федерацияси матбуот хизмати хабар берди.
Манбага кўра, собиқ футболчининг ўлим сабаби ҳозирча маълум эмас.
Манга-Онгене клубдаги фаолияти давомида «Канон Яунде» жамоасида тўп тепган. Ушбу клуб билан бирга Камерун чемпионлигини 6 марта қўлга киритган ва Африка чемпионлар кубогида 3 бор ғолиб бўлган. Ушбу мусобақа ҳозирда CAF Чемпионлар лигаси деб аталади.
Камерун миллий жамоаси сафида эса 1972 йилги Африка Миллатлар кубогида бронза медалига сазовор бўлган.
Ҳужумчи 1980 йилда Африканинг энг яхши футболчиси деб топилган.
Африканинг 1980 йилдаги энг яхши футболчиси вафот этди
Футбол
8 октябр, 23:19
Камерун ФФ Манга-Онгененинг вафоти ҳақида хабар берди.
Foto: Getty Images
