«Эвертон» сотувга қўйилди

«Эвертон» клуби The Friedkin Group компаниясининг клубни сотиш нияти борлиги ҳақида баёнот эълон қилди.

«The Friedkin Group «Эвертон»га инвестиция киритишнинг янги имкониятларини, жумладан, клуб акцияларининг назорат пакетини сотиш эҳтимолини кўриб чиқмоқда.

The Friedkin Group «Эвертон» эгасига айланганида, клуб молиявий ноаниқлик, майдонда ва ундан ташқарида жиддий муаммоларга дуч келаётганди.

Биринчи навбатдаги вазифа клубнинг келажаги учун зарур бўлган барқарорликни таъминлаш, инвестициялар киритиш ва қўллаб-қувватлашдан иборат эди. Шунингдек, содиқ мухлислар учун узоқ кутилган стадион қурилишини якунлашга ёрдам бериш ҳам устувор вазифалардан бири бўлди.

Энди, мустаҳкам пойдевор яратилганидан сўнг «Эвертон» тарихининг кейинги босқичи ҳақида ўйлаш учун айни вақт келди.

Биз фақат клубнинг муносиб эгаси бўла оладиган, унинг янада ривожланишини таъминлайдиган ва эришилган ютуқларни мустаҳкамлай оладиган томонларнинг таклифларини кўриб чиқамиз.

Ушбу жараён давомида TFG компаниясининг устувор йўналишлари ўзгаришсиз қолади. Биз клубни футбол майдонида муваффақиятга эришиши учун ҳар томонлама қўллаб-қувватлашда давом этамиз. Шунингдек, клуб вакиллик қиладиган жамоалар ҳаётида ижобий ўзгаришлар қилишга қаратилган ишларни ҳам давом эттирамиз», — дейилади клуб баёнотида.

Дэн Фридкинга тегишли The Friedkin Group компанияси 2024 йилда «Эвертон» клубини сотиб олганди.