«Ман Сити»дан молиявий қонунбузарликлар учун 60 очко олиб ташланиши мумкин

«Манчестер Сити» молиявий қоидабузарликлар учун 60 очкодан маҳрум қилиниши мумкин. Бу ҳақда talkSPORT журналисти Алан Бразил хабар берди.

Нашр маълумотларига кўра, бундай жазо муросали қарор сифатида кўрилмоқда. Бу кўпчиликни қаноатлантириши мумкин, бироқ «шаҳарликлар»га Англия Премер-лигасида қолиш учун назарий имкониятни сақлаб қолади.

Шу билан бирга, Бразил жазонинг ушбу мавсумда қўлланишига шубҳа билан қарамоқда. Унинг фикрича, муддатлар бунга имкон бермаслиги мумкин ва қарор келаси мавсумга қолдирилиши эҳтимоли юқори.

Унинг ҳамкасби Элли Маккойст эса мухлисларнинг бир қисми янада қаттиқроқ жазо кутаётганини таъкидлади. Бироқ у 60 очко олиб ташланган тақдирда ҳам, «Манчестер Сити»нинг қуйи лигага тушиб кетиши математик жиҳатдан муқаррар бўлмаслигини қайд этди.

Агар Премер-лигада жон сақлаб қолиш учун 37–39 очко тўплаш етарли бўлса, клубда курашни давом эттириш имконияти қолади. Бундай вазиятда асосий футболчилар ҳам буни спортдаги жиддий синов сифатида қабул қилиб, жамоани тарк этмасликлари мумкин.

Айни пайтда «Манчестер Сити» 5 та турдан кейин 15 очко жамғариб, турнир жадвалида пешқадамлик қилмоқда. Иккинчи ўринда эса 12 очко билан «Арсенал» бормоқда.