«Манчестер Юнайтед»нинг собиқ бош мураббийи Алекс Фергюсон ўзининг янги «Games of My Life» китобида 2012 йилда Пеп Гвардиола билан бўлиб ўтган учрашув ҳақида ёзди.
Ўша йили испаниялик мутахассис «Барселона» бош мураббийи лавозимини тарк этган ва «Бавария»ни бошқаришга тайёргарлик кўраётганди. Фергюсон 2013 йилда «Манчестер Юнайтед»дан кетган, Гвардиола эса «Бавария»да уч йил ишлагандан сўнг 2016 йилда «Манчестер Сити» бош мураббийига айланган.
«Сўнгги 10 йил давомида Ню-Йоркда Пеп билан 2012 йилда бўлиб ўтган кечки овқатимиз бир неча ой олдинроқ ташкил этилганида, нима бўларди, деб кўп ўйладим. Ўша пайтда мен ҳали фаолиятимни якунлашга қатъий қарор қилмагандим. Пеп эса Ла Лигада атиги тўрт йил ичида — требл, чемпионлик ва Чемпионлар лигасидаги ғалаба орқали катта муваффақиятларга эришганидан сўнг, Бундеслигада «Бавария» билан ўзини синаб кўришни исташини аниқ биларди.
Агар вақтни ортга қайтара олганимда, биз бир неча ой олдинроқ кечки овқат қилган бўлардик. Мен Тинянеллодан (Италия виноси нави) кўпроқ қуйиб, унинг келажаги Манчестерда эканлигига ишонтириш учун бор кучимни сарфлаган бўлардим. Афсус. Биз учун унинг келажаги шу ерда бўлиши керак эди», — деб ёзган Фергюсон.
Фергюсон Гвардиола билан боғлиқ энг катта афсусини айтди
Футбол
8 октябр, 14:00
2
«МЮ» собиқ бош мураббийи ўз китобида Пеп билан бўлган тушлик кечиккани ҳақида ёзган.
Foto: Getty Images
Мухлислар бу янгиликни Telegram’да муҳокама қилмоқда
Изоҳлар Telegram’да очилади