Силва: «Олтин тўп»ни Руисга берган бўлардим»

Испания миллий жамоасининг собиқ яримҳимоячиси Давид Силва «Олтин тўп» мукофотини ҳамюрти Фабиан Руисга берган бўларди.

«Мен учун жамоавий ўйин — энг муҳими. Чунки жамоавий ҳаракатсиз ғалаба қозониб бўлмайди. Агар мукофотни бир кишига беришим керак бўлганида, Фабианни танлардим. Чунки сўнгги икки йил ичида у энг кўп совринларни қўлга киритди.

У «ПСЖ»да ва Испания миллий жамоасида муҳим футболчи бўлди. У етарлича қадрланмаяпти, нима учунлигини билмайман, ахир у — ажойиб футболчи. Унга жуда ҳавас қиламан. У доимо сояда қолган ҳолда ҳам фантастик ишларни амалга оширди.

Родри «Олтин тўп»ни аллақачон қўлга киритган, акс ҳолда уни ҳам тилга олган бўлардим», — деди Силва El Partidazo эфирида.