Фабио Борини футболчилик фаолиятини якунлаганини эълон қилди.
«Ҳаммаси бир парвоздан бошланганди. Раҳмат, «Челси».
Мен 16 ёшда эдим. Футболдаги йўлимни бошлар эканман, бутун парвоз давомида кўзларимда ёш билан ўтирдим. Бу йўл мени қаерга олиб боришини аниқ тасаввур қилмасдим, фақат амалга оширишни истаган орзуларим бор эди.
Ўша кундан бошлаб ўзимни шакллантира бошладим. Бундай кучли характерга эга бола охир-оқибат ким бўлишини билмасдим. Орзуларимни хаёлимда ярата бошладим ва қандайдир тарзда уларни воқеликка айлантира олдим. Бугун эса ўша воқелик абадий ўзгаради.
Менинг ўтмишим, бугуним ва келажагимни шакллантирган воқелик. Бугун ҳам Лондонга учадиган самолётга илк бор ўтирган кунимдагидек, олдинда мени кутаётган нарсалар олдидан худди шундай ҳисларни туяпман.
Қўрқув. Бахт. Жасорат. Мавҳумлик. Орзулар. Муваффақият. Иштиёқ. Қурбонликлар.
Ҳеч қачон ишонишдан тўхтамаган ўша болага раҳмат айтмоқчиман. Бугунги мен бўлган инсон ҳам кейинги имкониятга ишонишда давом этади — бу сафар оёқларида тўпсиз, аммо худди ўша ишонч билан. Ҳар доим.
РАҲМАТ. РАҲМАТ, ФУТБОЛ», — деб ёзди Борини.
Италиялик ҳужумкор футболчи 35 ёшда. У фаолияти давомида «Челси», «Суонси», «Парма», «Рома», «Ливерпул», «Сандерленд», «Милан», «Верона», «Фотиҳ Карагумрук», «Сампдория» ва «Солфорд» клубларида ўйнаган.
Шунингдек, Фабио Италия миллий жамоаси сафида 1 та ўйин ўтказган.
Telegram’да биринчи бўлиб фикр билдиринг
Муҳокамага ўтишИзоҳлар Telegram’да очилади