Нидерландия миллий жамоаси бош мураббийи Роналд Куман ЖЧ-2026 гуруҳ босқичининг 2-туридан ўрин олган Швецияга қарши баҳс олдидан ўз фикрлари билан ўртоқлашди.
Мутахассиснинг таъкидлашича, скандинавияликлар билан ўйин жуда мураккаб кечади.
«Вазиятлар яратиш ва бўш ҳудудлар топиш қийин бўлади. Менимча, Швециянинг энг катта кучи — тўпни ҳимояда олиб қўйиб, дарҳол тезкор қарши ҳужумга ўтишидир», — деди Куман.
Мураббий Нидерландия футболидаги босим ва мухлисларнинг кутаётган натижалари ҳақида ҳам гапирди.
«Биз кичик мамлакат бўлсак ҳам, ҳануз катта футбол давлатимиз. Барчамиз бундан фахрланамиз. Йирик турнирлар вақтида бутун мамлакат жамоаси атрофида бирлашади ва биз улкан қўллаб-қувватловни ҳис қиламиз.
Баъзи қарорларим мухлисларга ёқмаган бўлиши мумкин. Бунинг учун масъулиятни ўзим зим-мамга оламан ва танқидларни қабул қиламан. Нидерландияда доим босим бўлган. Футболчи бўлган пайтимда ҳам шундай эди», — дея қўшимча қилди у.
Куман Японияга қарши 2:2 ҳисобидаги дурангдан кейин жамоа ғалабага муҳтож эканини ҳам таъкидлади.
«Биз кичик мамлакатмиз, аммо жаҳон чемпиони бўлишни хоҳлаймиз. Бизда кучли жамоа бор. Япония билан дурангдан кейин бизга уч очко керак», — деди нидерландиялик мутахассис.
Эслатиб ўтамиз, F гуруҳи 1-турида Нидерландия Япония билан 2:2 ҳисобида дуранг ўйнаган бўлса, Швеция Тунисни 5:1 ҳисобида мағлуб этганди.
