Канада миллий жамоаси яримҳимоячиси Стефан Эустакио ЖЧ-2026 1/16 финалида ЖАР устидан қозонилган 1:0 ҳисобидаги ғалабадан сўнг ўз фикрларини билдирди.
«Бу ғалаба учун жуда кўп меҳнат қилдик ва уни барча канадаликларга бағишламоқчи эдик. Биз ўзимизга ишонишдан ҳеч қачон тўхтамадик ва тинимсиз меҳнат қилдик.
Гол ажойиб чиқди, аммо зарба берганимда гўё бутун жамоа мен билан бирга тўп тепганини ҳис қилдим. Ҳар бир жамоадошим бу голга ўз ҳиссасини қўшди. Тўп дарвозага кирганидан жуда хурсандман.
Марокаш ёки Нидерландия бизнинг ўйинимизни кўриб, кейинги босқичда уларни ушбу Жаҳон чемпионатидаги энг қийин баҳслардан бири кутаётганини тушунишини истаймиз. Менимча, биз ажойиб ишни амалга оширдик. Олдинда бизни яна зўр ўйин кутмоқда», — деди Эустакио.
Эслатиб ўтамиз, Канада 1/8 финалда Нидерландия – Марокаш жуфтлиги ғолибига қарши майдонга тушади.
