«Наполи» яқин вақт ичида яримҳимоячи Скотт Мактоминайга янги шартнома таклиф қилади.
Futbol Italia хабарига кўра, клуб президенти Аурелио Де Лаурентис ва спорт директори Жованни Манна келгуси ҳафталарда шотландиялик футболчи билан учрашиб, янги битим шартларини муҳокама қилади.
Ҳозирги шартномага кўра, Мактоминайнинг «Наполи» билан амалдаги келишуви 2028 йилгача амал қилади.
Эслатиб ўтамиз, Мактоминай ЖЧ-2026да Шотландия сафида иштирок этиб, гуруҳ босқичини учинчи ўринда якунлаган ва турнирни тарк этган.
28 ёшли яримҳимоячи 2024 йилнинг ёзида «Манчестер Юнайтед»дан «Наполи»га кўчиб ўтган. У 2025/26 йилги мавсумда барча мусобақаларда 44 та учрашувда майдонга тушиб, 14 та гол урди ва 4 та голли узатмани амалга оширди. Тransfermarkt портали футболчининг бозор қийматини 40 миллион еврога баҳоламоқда.
