Швеция миллий жамоаси ЖЧ-2026 плей-офф босқичи олдидан муҳим йўқотишга учради.
«Аталанта» ҳимоячиси Исак Хиен жароҳат олгани сабаб 1/16 финалда Францияга қарши учрашувда майдонга туша олмайди.
Маълум қилинишича, футболчининг жароҳати жиддий эмас. Бироқ тўлиқ тикланиши учун даволаниш ва камида бир ҳафталик дам олиш талаб этилади. Шу боис у Швециянинг навбатдаги учрашувини ўтказиб юборади.
Эслатиб ўтамиз, Швеция ЖЧ-2026 гуруҳ босқичидан муваффақиятли ўтиб, плей-офф йўлланмасини қўлга киритди. Энди скандинавияликлар 1/16 финалда мусобақа фаворитларидан бири бўлган Франция билан куч синашади.
Маълумот учун, Швеция Жаҳон чемпионатида ҳали ҳеч қачон ғолиб бўлмаган. Жамоанинг энг яхши натижаси 1958 йилда қайд этилган бўлиб, ўшанда шведлар финалгача етиб борган эди.
