Гана миллий жамоаси бош мураббийи Карлуш Кейруш Жаҳон чемпионати иштирокчилари сонининг 48 тага оширилиши ҳақида ўз фикрларини билдирди.
«Бундай миқдордаги иштирокчилар Жаҳон чемпионатини оддий мусобақага айлантириб қўйиши мумкин. Мундиалда иштирок этиш доим ноёб шараф бўлган ва унинг қадр-қиммати ҳам шунда эди. Бу менинг шахсий фикрим. Аммо бугунги футболда асосий ўринни пул эгаллаб турибди», — деди Кейруш ESPN нашрига.
Эслатиб ўтамиз, португалиялик мутахассис бошчилигидаги Гана миллий жамоаси ЖЧ-2026 гуруҳ босқичини L гуруҳида учинчи ўринда якунлаб, энг яхши учинчи ўрин эгалари қаторида плей-офф йўлланмасини қўлга киритди. Ганаликлар гуруҳ босқичида Панамани мағлуб этди, Англия билан дуранг ўйнади ва Хорватияга имкониятни бой берди.
1/16 финалда Гана K гуруҳи ғолиби Колумбияга қарши майдонга тушади.
