Канада миллий жамоаси ҳимоячиси Алфонсо Девис ЖЧ-2026нинг 1/16 финалида ЖАРга қарши учрашувда (1:0) майдонга тушиб, турнир тарихидаги ўзига хос рекорд муаллифига айланди.
Шу тариқа, Девис ЖЧ-2026да иштирок этган 1000-футболчи сифатида тарихга кирди.
Эслатиб ўтамиз, «Бавария» ҳимоячиси гуруҳ босқичи баҳсларини жароҳатидан тўлиқ тикланиш учун ўтказиб юборганди. ЖАРга қарши учрашув унинг ушбу мундиалдаги илк ўйини бўлди.
1/8 финал босқичида Канада миллий жамоаси Нидерландия ва Марокаш ўртасидаги баҳс ғолибига қарши майдонга тушади.
Маълумот учун, амалдаги жаҳон чемпиони Аргентина ҳисобланади. Аргентиналиклар 2022 йилги мундиал финалида Францияни пеналтилар сериясида мағлуб этиб, чемпионликни қўлга киритган.
