Ҳендерсон — «Челси» футболчиси (Романо)

«Брентфорд» билан шартномаси якунланган Жордан Ҳендерсон «Челси»га ўтмоқда.

Томонлар келишувнинг барча шартларини тўлиқ келишиб олган. 36 ёшли яримҳимоячи «кўклар» билан икки йиллик шартнома имзолайди. Бу ҳақда таниқли инсайдер Фабрицио Романо ижтимоий тармоқларда хабар берди.

Англия миллий жамоаси аъзоси ўтган мавсумда «Брентфорд» сафида 34 та баҳсда майдонга тушиб, 1 та гол урган ва яна 3 та голли узатмани амалга оширганди.

Ҳендерсон Сандерленд тарбияланувчиси ҳисобланади. У профессионал фаолиятининг катта қисмини «Ливерпул»да (2011-2023 йиллар оралиғида) ўтказиб, жамоа билан бир қатор нуфузли совринларни қўлга киритган. Шунингдек, у «Ковентри», «Ал Иттифоқ» ва «Аякс» клубларида ҳам ўйнаган.