Роберт Левандовски «Барселона» сафида ўйнаб юрган вақтида Саудия Арабистони клубининг 200 миллион евролик таклифини рад этган.
Бу ҳақда футболчининг агенти Пини Заҳави SportoweFakty нашрига берган интервюсида маълум қилди.
«Робертга икки йиллик, ҳар мавсум учун 100 миллион евролик таклиф тушганди. У буни рад этди, чунки «Барселона»да ўйнашни истарди», — деди Заҳави.
Агентнинг қўшимча қилишича, Левандовски аслида келажакда Саудия Арабистонида ўйнаш вариантини кўриб чиққан. Бироқ мавсум ўртасида «Барселона»ни тарк этишни истамаган.
Заҳави, шунингдек, кейинчалик клуб раҳбарияти ва мураббийлар штаби полшалик ҳужумчига асосий таркибдаги барқарор ўринни кафолатлай олмагач, бошқа вариантлар кўриб чиқила бошлаганини айтди.
Маълумот учун, Роберт Левандовски ушбу ёзда АҚШнинг «Чикаго Файр» клубига кўчиб ўтди. Унинг агенти сўзларига кўра, ҳужумчи учун мунтазам ўйин амалиёти молиявий таклифлардан ҳам муҳимроқ бўлган.
Мухлислар бу янгиликни Telegram’да муҳокама қилмоқда
Изоҳлар Telegram’да очилади