«Барселона» ва «Бавария» собиқ ҳужумчиси, ҳозирда АҚШнинг «Чикаго Файр» клубида тўп тепаётган Роберт Левандовски ўз танлови ҳақида фикр билдирди.
38 ёшли полшалик футболчи ўтган мавсум якунланганидан сўнг каталонияликлар сафини эркин агент сифатида тарк этганди. У июл ойининг ўрталарида MLS вакили «Чикаго Файр» билан шартнома имзолади.
«Барселона»дан кетганимдан кейин ўзимни Европанинг бошқа бирор клубида тасаввур қила олмадим. Шунинг учун ҳам Европада янги жамоа қидирмадим», — дея Левандовскининг сўзларини келтиради Managing Barca нашри.
Эслатиб ўтамиз, тажрибали ҳужумчи 2022 йилнинг ёзидан буён «Барселона» шарафини ҳимоя қилиб келаётган эди.
Левандовски бунга қадар Германиянинг «Бавария» ва Дортмунднинг «Боруссия» клубларида ҳам фаолият олиб борган. Аввалроқ Роберт «Барселона»да қолиш учун 200 миллион евролик таклифни рад этгани маълум қилинганди.
