«Barselona» va «Bavariya» sobiq hujumchisi, hozirda AQShning «Chikago Fayr» klubida to‘p tepayotgan Robert Levandovski o‘z tanlovi haqida fikr bildirdi.
38 yoshli polshalik futbolchi o‘tgan mavsum yakunlanganidan so‘ng kataloniyaliklar safini erkin agent sifatida tark etgandi. U iyul oyining o‘rtalarida MLS vakili «Chikago Fayr» bilan shartnoma imzoladi.
«Barselona»dan ketganimdan keyin o‘zimni Yevropaning boshqa biror klubida tasavvur qila olmadim. Shuning uchun ham Yevropada yangi jamoa qidirmadim», — deya Levandovskining so‘zlarini keltiradi Managing Barca nashri.
Eslatib o‘tamiz, tajribali hujumchi 2022-yil yozidan buyon «Barselona» sharafini himoya qilib kelayotgan edi.
Levandovski bungacha Germaniyaning «Bavariya» va Dortmundning «Borussiya» klublarida ham faoliyat olib borgan. Avvalroq Robert «Barselona»da qolish uchun 200 million yevrolik taklifni rad etgani ma’lum qilingandi.
Muxlislar bu yangilikni Telegram’da muhokama qilmoqda
Izohlar Telegram’da ochiladi