Оғир атлетика бўйича Ўзбекистон жамоаси аъзоси Акбар Жўраев Хитойнинг Нинбо шаҳрида ўтказилган жаҳон чемпионатида олтин медални қўлга киритди.
-110 кг вазн тоифасида иштирок этган Жўраев бу турнирда тўрт карра жаҳон чемпионига айланди.
У дастлаб даст кўтариш машқида 198 кг билан жаҳон рекордини ўрнатди. Бунгача ушбу вазн тоифасидаги рекорд натижа (197 кг) 2026 йилги Осиё ўйинлари вақтида Жўраевнинг ўзи томонидан қайд этилганди.
Кейинчалик Акбар силтаб кўтаришда 234 кг натижа қайд этди ва умумий 432 кг билан жаҳон чемпионлигини расмийлаштирди.
Маълумот учун, Акбар Жўраев тўрт карра жаҳон чемпиони бўлишдан ташқари 2024 йилги Париж Олимпиадаси ғолиби, икки карра Осиё чемпиони ва Осиё ўйинлари ғолиби саналади.
Мухлислар бу янгиликни Telegram’да муҳокама қилмоқда
Изоҳлар Telegram’да очилади