«Манчестер Юнайтед»нинг 16 ёшли ҳужумкор яримҳимоячиси Жей-Жей Габриэл яқин вақт ичида Мадриднинг «Реал» клубига ўтиши кутилмоқда.
Англиялик футболчи аллақачон Испания пойтахтига етиб келган ва ҳозирда якка тартибда машғулотлар ўтказмоқда. Унинг трансфери тез орада расман эълон қилиниши мумкин.
Габриэл ҳам «Реал» сафида ўйнаш истагини яширмаяпти. У Marca нашрига берган интервюсида икки испан гранди ўртасидаги танлови ҳақида гапирди.
«Реал» ёки «Барселона»? Албатта, «Реал», — деди ёш футболчи. Аввалроқ «Барселона» ҳам Габриэлни ўз сафига қўшиб олишга қизиқиш билдиргани хабар қилинганди. Бироқ каталонияликлар иқтидорли футболчи учун курашда мадридликларга имкониятни бой берган.
Маълумотларга кўра, Габриэл дастлаб «Реал»нинг иккинчи жамоаси «Кастиля» сафида тўп тепади.
Мухлислар бу янгиликни Telegram’да муҳокама қилмоқда
Изоҳлар Telegram’да очилади