«Барселона» клуби «Арсенал» ҳимоячиси Перо Инкапие билан шартнома имзоламоқчи. Бу ҳақда Diario Sport нашри хабар берди.
Манбага кўра, каталонияликлар марказий ҳимояни кучайтиришга бел боғлаган. Клуб бор эътиборини эквадорлик 24 ёшли футболчига қаратган.
Қайд этилишича, Инакпие «Барселона» спорт директори Декунинг трансфер рўйхатида юқори ўринда турибди. Шунингдек, каталонияликлар бош мураббийи Ҳанси Флик эквадорлик футболчининг ўйинини юқори баҳолайди.
«Арсенал» эса футболчи борасида яхши таклиф оладиган бўлса, у билан хайрлашишга қарши эмас. Чунки жамоа устози Микел Артета ҳимоячини ўзининг истиқболи режаларига киритмаган.
Перо бу мавсумда Англия Премер-лигасида тўртта учрашувда майдонга тушган.
