Марокаш миллий жамоаси яримҳимоячиси Исмоил Сайбари жаҳон чемпионати 2-туридан ўрин олган Шотландияга (1:0) қарши баҳсдан сўнг ўз таассуротлари билан ўртоқлашди.
Эслатиб ўтамиз, футболчи ушбу ўйинда гол муаллифига айланди. Бу унинг турнирдаги иккинчи голи ҳисобланади.
«Бу фаолиятимдаги энг яхши лаҳза. Жаҳон чемпионатида ўз мамлакатинг учун ўйнаш — ҳар бир футболчининг орзуси ва мен иккита ўйинда иккита гол уриб, буни амалга ошира олдим. Браҳим Диаснинг тўп узатиш маҳорати юқори даражада, бу узатмаларни голга айлантириш эса менинг ишим», — дея Сайбарининг сўзларини келтиради FIFA расмий сайти.
Маълумот учун, С гуруҳининг 1-турида Марокаш Бразилия билан дуранг ўйнади (1:1). Сўнгги турда марокашликлар 25 июн куни Ҳаити билан беллашади.
