Yamal va Porro Ispaniyaning umumiy guruh mashg'ulotlarida qatnashmadi

Ispaniya milliy jamoasi futbolchilari Lamin Yamal va Pedro Porro noqulaylik his qilayotgani sababli umumiy guruh mashg'ulotlarida ishtirok etishmadi.

Ikkala o'yinchi ham alohida dastur asosida shug'ullandi, Yamal esa chap soniga maxsus bog'lam taqqan holda mashq qildi. Bu haqda Marca nashri xabar berdi.

Manba ma'lumotiga ko'ra, «Barselona» vingeri va «Tottenhem» himoyachisining umumiy guruhda mashq qilmagani ehtiyot chorasi sifatida qabul qilingan. Har ikki futbolchi ham 19 iyul kuni Argentinaga qarshi bo'lib o'tadigan 2026 yilgi Jahon chempionati finalida maydonga tushishi kutilmoqda.

Yamal yarim finalda Fransiya (2:0) himoyachisi Lyuka Din uning oyog'iga zarba berganidan keyin og'riq his qila boshlagan. O'sha vaziyatdan so'ng raqib darvozasiga penalti belgilangandi. Porroning muammosi esa mushaklardagi charchoq bilan bog'liq.