«Real» klubi vinger Vinisius Junior bilan yangi mehnat shartnomasi borasida kelisha olmayapti. Bu haqida insayder Romen Molina xabar berdi.
Manbaga ko'ra, tomonlar o'rtasidagi muzokaralar boshi berk ko'chaga kirib qolgan. «Qaymoqranglilar» agar yangi bitim imzolashning iloji bo'lmasa, braziliyalik 26 yoshli futbolchini sotib yuborishi mumkin.
Hozirgi vaqtda Vinisiusning transferini amalga oshirishga qodir bo'lgan yagona klub — «Manchester United».
Hozirda Vinisiusning transfer bahosi 140 million yevroga baholanmoqda. Uning «qirollik klubi» bilan tuzgan mehnat shartnomasi 2027 yilning yoziga qadar mo'ljallangan.
Ma'lumot uchun, Vinisius 2018 yilning yozidan beri Madrid klubi safida to'p tepib keladi.
