«Manchester Siti» vingeri Reygan Heski faoliyatini Germaniya chempionatida davom ettiradi.
«Kyoln» klubi angliyalik 18 yoshli futbolchi bilan shartnoma imzoladi. Heski «echkilar» bilan 2031 yilning yoziga qadar bitim tuzgan.
«Manchester Siti» o'z tarbiyalanuvchisi uchun ikki million yevro ishlab oladi.
«Shaharliklar» yoshlar jamoasi tarkibida Reygan o'tgan mavsumda 40 ta o'yinda ishtirok etib, 13 ta gol va 16 ta golli uzatmani amalga oshirdi. U asosiy jamoa safida Angliya kubogi doirasida «Haddersfild»ga qarshi bahsda ishtirok etib, 7 daqiqa maydonda harakat qilgandi.
