Angliya milliy jamoasi bosh murabbiyi lavozimi uchun bir necha yil avval Ule-Gunnar Sulsher nomzodi ham ko‘rib chiqilgan. Bu haqda jurnalistlar Sem Si va Ben Jeykobs xabar berdi.
Manbaga ko‘ra, mazkur ma'lumot JCh-2026 uchinchi o‘rin uchun Fransiyaga qarshi bahs oldidan, Tomas Tuxelning kelajagi muxlislar tomonidan qizg‘in muhokama qilinayotgan pallada oshkor bo‘ldi.
Shu bilan birga, xabarda qayd etilishicha, Angliya futbol assotsiatsiyasi (FA) o‘z rejasini o‘zgartirmagan. Tashkilot Tuxelning Yevro-2028 musobaqasigacha milliy jamoani boshqarishda davom etishini istamoqda va ayni paytda germaniyalik mutaxassis klub rahbariyati tomonidan to‘liq qo‘llab-quvvatlanmoqda.
Eslatib o‘tamiz, Angliya JCh-2026 yarimfinalida Argentinaga 1:2 hisobida mag‘lub bo‘ldi. Endilikda inglizlar uchinchi o‘rin uchun Fransiya milliy jamoasiga qarshi maydonga tushadi.
