Saudiya Arabistonining «Al Ahli» klubi portugaliyalik yarimhimoyachi Fransishku Trinkau transferini rasmiy e'lon qildi.
Qayd etilishicha, 26 yoshli futbolchi Jidda klubi bilan 4 yillik shartnoma imzoladi. U Lissabonning «Sporting» klubidan kelib qo'shildi.
Avvalroq tarqalgan ma'lumotlarga ko'ra, «Al Ahli» ushbu transfer uchun 45 million yevro to'laydi. Shuningdek, kelishuvda yana 5 million yevrogacha bo'lgan bonuslar ham ko'zda tutilgan.
Trinkau o'tgan mavsumda Portugaliya chempionatida 34 ta uchrashuvda ishtirok etib, 7 ta gol urdi va 11 ta golli uzatmani amalga oshirdi.
Muxlislar bu yangilikni Telegram’da muhokama qilmoqda
Izohlar Telegram’da ochiladi