Тринкау – «Ал Аҳли» футболчиси

Саудия Арабистонининг «Ал Аҳли» клуби португалиялик яримҳимоячи Франсишку Тринкау трансферини расман эълон қилди.

Қайд этилишича, 26 ёшли футболчи Жидда клуби билан 4 йиллик шартнома имзолади. У Лиссабоннинг «Спортинг» клубидан келиб қўшилди.

Аввалроқ тарқалган маълумотларга кўра, «Ал Аҳли» ушбу трансфер учун 45 миллион евро тўлайди. Шунингдек, келишувда яна 5 миллион еврогача бўлган бонуслар ҳам кўзда тутилган.

Тринкау ўтган мавсумда Португалия чемпионатида 34 та учрашувда иштирок этиб, 7 та гол урди ва 11 та голли узатмани амалга оширди.