«Реал» бош мураббийи Жозе Моуринио клуб раҳбариятидан янги футболчи трансферини амалга оширишни сўраган. Бу ҳақда журналист Серхио Валентин хабар берди.
Манбага кўра, португалиялик мутахассис бир неча ҳафта аввал «қироллик клуби» раҳбарлари билан учрашув ўтказган. Унда Моуринио жамоага тўпга минимал тегинишлар билан ўйин сифатини ошира оладиган футболчи зарурлигини таъкидлаган.
Хабарда айтилишича, «Реал» раҳбарияти ҳозирда бундай трансферни амалга ошириш масаласини кўриб чиқмоқда. Бироқ Моуринио айнан қайси футболчини назарда тутгани очиқланмаган.
Эслатиб ўтамиз, Жозе Моуринио 2026 йил ёзида «Реал» бош мураббийи этиб тайинланди. У Мадрид клуби билан 2029 йил 30 июнгача мўлжалланган шартнома имзолаган.
Маълумот учун, Моуринио аввал ҳам 2010–2013 йиллар оралиғида «Реал»ни бошқарган. Унинг қўл остида мадридликлар Испания чемпионлиги, Испания Кубоги ва Испания Суперкубогини қўлга киритган.
