Бу ҳақда инсайдер Фабрицио Романо ижтимоий тармоқларидаги ўзининг саҳифасида хабар берди.
«Арсенал» ҳозирча «Пари Сен-Жермен» вингери Брэдли Баркола трансфери бўйича янги ҳаракатларни амалга оширгани йўқ.
Унинг маълумотига кўра, Морган Рожерс учун курашдаги омадсизликдан сўнг, «тўпчилар» Франция клуби билан алоқага чиқмаган. Бундан ташқари, «Ливерпул» клуби 23 ёшли ўйинчига бўлган қизиқишини сақлаб қолмоқда. Мерсисайдликлар вазиятни кузатишда давом этмоқда ва агар «ПСЖ» Барколани ўта қиммат бўлмаган суммага сотишга рози бўлса, музокараларни фаоллаштиришга тайёр.
Аввалроқ, франциялик футболчи ўз келажаги ҳақидаги якуний қарорни жаҳон чемпионати якунлангандан сўнг қабул қилишни режалаштираётгани хабар қилинган эди.
