Франция миллий жамоаси вингери Майкл Олисе ЖЧ-2026 учинчи ўрин учун Англияга қарши баҳсда яна бир тарихий натижага эришди.
24 ёшли футболчи учрашувда кетма-кет иккинчи голли узатмасини амалга оширди ва ушбу мундиалдаги ассистлари сонини 7 тага етказди.
Оptа статистик порталига кўра, Олисе шу тариқа бразилиялик афсона Пелега тегишли рекордни янгилади. Пеле 1970 йилги жаҳон чемпионатида битта турнир давомида 6 та ассист қайд этган эди.
Қайд этилишича, ассистлар статистикаси 1966 йилдан буён юритиб келинади ва Олисе ушбу давр мобайнида битта жаҳон чемпионатида 7 та голли узатма амалга оширган илк футболчига айланди.
Эслатиб ўтамиз, Англия ва Франция ўртасидаги ЖЧ-2026 учинчи ўрин учун баҳснинг иккинчи бўлимида инглизлар 4:3 ҳисобида олдинда бормоқда. Олисе эса турнирнинг энг сермаҳсул футболчиларидан бири сифатида тарихий рекорд ўрнатди.
