Англия миллий жамоаси бош мураббийи Томас Тухел 2026 йилги жаҳон чемпионатида 3-ўрин учун Францияга қарши кечган баҳс (6:4) ҳақида ўз фикрлари билан ўртоқлашди.
«Биринчи бўлим ажойиб ўтди, иккинчиси эса жуда оғир кечди. Фақат бир кунлик дам олишнинг қанчалик катта аҳамиятга эга эканини ўзингиз ҳам кўрдингиз.
Бу ҳафта давомида жуда қаттиқ чарчадик, кучимиз деярли қолмади. Шунинг учун ҳам жамоамиз кўрсатган характер ҳурматга лойиқ. Барча қийинчиликларни қандай енгиб ўтганимиз ҳақиқатан ҳам ҳайратланарли.
Мен учрашувнинг жисмоний жиҳатдан қанчалик оғир бўлишидан хавотирда эдим. Биз Франциянинг маҳорати ва тезлигини яхши биламиз. Бундан ташқари, уларнинг тақвими бизникига нисбатан анча енгилроқ эди.
Яримфинал билан ушбу ўйин орасида улар биздан бир кун кўпроқ дам олди ва камроқ сафар қилди. Биз эса ҳам иссиқ ҳавода, ҳам баланд тоғ шароитида ўйнадик.
Футболчиларнинг ҳолати мени хавотирга солаётганди. Иккинчи бўлимда оёқлари тортганини ҳам, қанчалик чарчаганини ҳам кўрдингиз. Лекин уларнинг характери ҳеч қандай хавотир уйғотмади.
Мен аввал ҳам айтгандим, бу жамоа ўзига хос бир нарсани яратди. Бугун эса буни яна бир бор исботлади», — деди Англия миллий жамоаси бош мураббийи.
Мухлислар бу янгиликни Telegram’да муҳокама қилмоқда
Изоҳлар Telegram’да очилади