Аргентина миллий жамоаси сардори Лионел Месси 2026 йилги жаҳон чемпионати финали олдидан ижтимоий тармоқлардаги саҳифаси орқали жамоадошлари ва мухлисларига мурожаат қилди.
«Бу йиллар давомида энг гўзал нарса фақат қўлга киритилган совринлар эмас, балки биз биргаликда босиб ўтган йўл бўлди.
Ҳар бир кунни шу жамоа билан ўтказиш, биргаликда курашиш, оғир дамлардан кейин яна оёққа туриш ва ҳар бир қадамдан завқ олиш — буларнинг барчаси бетакрор.
Ҳар бир жамоадошимга, мураббийлар штабига ва миллий жамоамиз катта бир оила бўлиб қолиши учун ҳар куни бор кучини бераётган барча инсонларга миннатдорчилик билдираман.
Қандай натижа бўлишидан қатъи назар, бу жамоа аллақачон ҳеч ким ўчира олмайдиган ва ҳеч қачон унутилмайдиган тарих ёзди. Олға, Аргентина!» — дея ёзиб қолдирди Месси.
Маълумот ўрнида, Испания — Аргентина ўйини 19 июлдан 20 июлга ўтар кечаси Тошкент вақти билан соат 00:00 да бошланади. Аввалроқ Лионел Ямални 6 ойлигида чўмилтираётган сурати ҳақида гапириб ўтганди.
Мухлислар бу янгиликни Telegram’да муҳокама қилмоқда
Изоҳлар Telegram’да очилади