Кроос ЖЧ финали ҳақида: «Испания биринчи бўлиб гол урса, ҳаммаси тугайди. Аргентинада эса Месси бор»

Германия миллий жамоасининг собиқ яримҳимоячиси Тони Кроос Испания ва Аргентинанинг Жаҳон чемпионати финалидаги имкониятларини баҳолади.

«Испания каби жамоа ҳисобда олдинга чиқиб, ўз ўйинидан завқлана бошласа, уларга қарши ўйнашни ҳеч ким истамайди.

Агар Испания биринчи бўлиб гол урса — ҳаммаси тугайди, ғалаба ҳақида унутиш мумкин. Аргентина уч ёки тўртта тўп ўтказиб юборади. Бунга қарши ҳеч нарса қила олишмайди.

Аргентина Германиядан кучли эмас, аммо бу жамоанинг руҳий тайёргарлиги ниҳоятда юқори ва уларда Месси бор. Айнан у жамоасини финалгача етаклаб келди.

Мен Мессининг футбол интеллекти тобора ўсиб бораётганини кўряпман. 2022 йилги Жаҳон чемпионати унинг фаолиятидаги сўнггиси бўлади, деб ўйлагандим», — дея Крооснинг сўзларини келтиради Marca.