«Арсенал» Вилям Салибанинг жиддий жароҳатидан кейин марказий ҳимоя чизиғини кучайтириш вариантларини ўрганмоқда. Бу ҳақда The Sun хабар берди.
Франциялик ҳимоячи белидан олган жароҳати туфайли келаси мавсумнинг биринчи ярмини тўлиқ ўтказиб юбориши мумкин. Қайд этилишича, «тўпчилар» ҳозирда эркин агент мақомида бўлиб турган Жон Стоунс номзодини кўриб чиқмоқда. 32 ёшли «Манчестер Сити» собиқ футболчиси Салиба йўқлигида унга вақтинчалик ўринбосар бўлиши мумкин.
Маълумот ўрнида, Стоунс «шаҳарликлар» сафида 10 йил давомида тўп тепиб, шу вақт ичида 6 марта АПЛ чемпиони бўлган. Англиялик ҳимоячининг шартномаси июл ойи бошида якунланган.
Аввалроқ «Арсенал» Алварес трансферини тезроқ якунламоқчи экани маълум қилинганди.
