«Бешиктош» клуби «Ювентус»нинг собиқ ҳужумчиси Душан Влаховичнинг трансфери бўйича музокараларга аниқ муддат белгиламоқчи. Бу ҳақда Medya Siyah Beyaz хабар бермоқда.
Сербиялик ҳужумчи ҳозирда эркин агентга айланган. Туркия клуби раҳбарияти эса футболчининг жавобини узоқ кутишдан норози бўлиб, бу ҳолат жамоанинг трансфер режаларига салбий таъсир кўрсатаётганини ҳисобламоқда.
Манбага кўра, италия матбуотида Влаҳович ва унинг атрофидагилар Европанинг топ клубларидан таклиф кутаётгани ҳақидаги хабарлар «Бешиктош» раҳбариятининг норозилигини янада кучайтирган.
Шу боис, Истанбул клуби яқин кунларда ҳужумчига таклиф бўйича якуний қарор қабул қилиш учун охирги муддат белгилаши мумкин.
Ўтган мавсумда Душан 23 та учрашувда майдонга тушиб, 10 та гол урди ва 2 та голли узатмани амалга оширди.
