Испания миллий жамоаси сардори Родри мамлакат Бош вазири Педро Санчес билан учрашувда жаҳон чемпионати-2026даги муваффақият ҳақида фикрларини билдирди.
«Бу буткул ўзгача соврин. Ўз мамлакатинг билан соврин ютиш — юз бериши мумкин бўлган энг ёқимли ҳолат. Футболдаги энг олий мукофот. Бахтимизга, биз чинакамига муаммога дуч келган ҳолатлар бўлмади. Ўзим учун финал энг оғир ўйин бўлди. Бу жамоадаги авлод Касиляс ва Иниеста кубокни кўтарганини кўриб улғайган. Биз учун бу футболдаги энг олий соврин. Ўйлашимча, биз мундиални ажойиб ўтказдик. Аргентинага қарши ҳам ўта ишончли ўйин кўрсатган бўлсак ҳам, финал энг қийин ўйин бўлди», — дея Родрининг сўзларидан иқтибос келтирди AS.
Эслатиб ўтамиз, Испания тарихда иккинчи бор жаҳон чемпионлигини қўлга киритди. Илк бор жамоа 2010 йил бундай натижага эришган эди.
Мухлислар бу янгиликни Telegram’да муҳокама қилмоқда
Изоҳлар Telegram’да очилади