FIFA миллий жамоаларнинг навбатдаги рейтингини эълон қилди. Янгиланган рўйхатда Ўзбекистон 10 поғона пастлаб, 60-ўриндан жой олди.
Фабио Каннаваро бошқарувидаги жамоа ҳисобида айни пайтда 1409,73 рейтинг очкоси мавжуд.
Ўзбекистон сўнгги янгиланишда 23,11 очко йўқотган. Бунга миллий жамоанинг ЖЧ-2026даги муваффақиятсиз иштироки асосий сабаб бўлди.
Осиё жамоалари орасида Япония 17-ўрин билан етакчиликни сақлаб қолди. Кейинги ўринларни Эрон (22), Австралия (28) ва Жанубий Корея (32) эгаллаган. Ўзбекистон 60-ўрин билан қитъа рейтингида еттинчи бўлиб турибди.
Жаҳон чемпионатида ғолиб бўлган Испания 1995,88 очко билан FIFA рейтингида биринчи ўринга кўтарилди. Аввалги пешқадам Аргентина иккинчи, Франция учинчи, Англия тўртинчи ва Бразилия бешинчи ўринни эгаллади.
Янгиланган рейтингнинг кучли ўн бешлигига, шунингдек, Марокаш, Португалия, Белгия, Нидерландия, Мексика, Колумбия, Германия, Хорватия, Швейцария ва Италия ҳам кирди.
Мухлислар бу янгиликни Telegram’да муҳокама қилмоқда
Изоҳлар Telegram’да очилади