Аргентина миллий жамоаси ҳимоячиси Кристиан Ромеро ЖЧ-2026 финалидан кейин ижтимоий тармоқдаги саҳифаси орқали мухлисларга мурожаат қилди.
«Бу сафар ўхшамади. Ишонинг бу жуда ҳам қийин. Жуда қийин, сабаби ҳеч ким бизчалик бу тарихни давом эттиришни истамаганди. Биз кубокни яна бир бор ватанимизга олиб боришни истагандик, аммо бундай бўлмади. Биз бор кучимизни бердик. Бу борада бизга эътироз бўлиши мумкин эмас. Биз мусобақда иккинчи бўлдик, аммо ҳеч қачон Аргентина либосини миллий жамоа у талаб қиладиган ғурур ва садоқат билан кийдик. Бундан ғурурланаман ва шундай оиланинг бир бўлаги бўлганимдан фахрланаман!
Сизларга тортиқ қилмоқчи бўлган хурсандчиликни тақдим эта олмаганимиздан афсусдамиз. Биз сизлар учун, бутун дунё бўйлаб бизни қўллаб-қувватлаган ҳар бир аргентиналик учун ҳаракат қилдик. Бу қўллаб-қувватлашни ҳар куни сезиб турдик. Бугун қайта оёққа туриш зарур. Барчасини бошидан бошлаш керак. Янада кўпроқ меҳнат қилиш, ўзимизга бўлган ишончни орттириш ва бу либосни охирги йилларда кўтарган даражамизга, ўз ўрнига — энг юқорига қайтариш учун. Сабаби финалларда ғалабага эришилади. Ва бу жамоа ўша эски орзу билан яшашда, курашишда давом этади.
Ёнимиздалигингиз учун ташаккур. Ишончингиз учун раҳмат. Биз яна чўққига қайтамиз. Аргентина ўзи шунақа. Доимо бирга», — деб ёзди Ромеро X тармоғидаги саҳифасида.
Эслатиб ўтамиз, «Тоттенҳэм» ҳимоячиси Кристиан Ромеро мундиалда 7 та ўйинда майдонга тушиб, 1 та гол ва 1 та ассист қайд этди.
Мухлислар бу янгиликни Telegram’да муҳокама қилмоқда
Изоҳлар Telegram’да очилади