Франциялик марказий ҳимоячи Маланг Сарр эркин агент сифатида Саудия Арабистонининг «НEОМ» клубига ўтишга розилик берди.
Инсайдер Фабрицио Романо хабарига кўра, томонлар барча шартлар бўйича келишувга эришган ва трансфер якунланган. Футболчи янги жамоаси билан шартнома имзолаши кутилмоқда.
Манбага кўра, Саррга Европанинг яна бешта клуби қизиқиш билдирган. Шунга қарамай, 27 ёшли ҳимоячи «НEОМ» лойиҳасини танлашга қарор қилган.
Шу тариқа, Саудия Про-лигасига янги қўшилган «НEОМ» ёзги трансфер ойнасидаги навбатдаги трансферини амалга ошириб, ҳимоя чизиғини Маланг Сарр билан кучайтирмоқда.
Қайд этиш жоиз, Маланг Сарр фаолияти давомида «Ницца», «Челси», «Порту», «Монако» ва «Ланс» каби клубларда тўп сурган. Эндиликда у фаолиятини Саудия Арабистонида давом эттиради.
