«Астон Вилла»нинг собиқ ҳужумчиси Гэбриэл Агбонлаҳор Аргентина миллий жамоаси яримҳимоячиси Леандро Паредеснинг ЖЧ-2026 финалидан кейинги хатти-ҳаракатлари ҳақида фикрини билдириб ўтди. Ушбу ўйинда жанубий америкаликлар Испанияга 0:1 ҳисобида имкониятни бой берди. Финал ҳуштагидан сўнг майдонда Паредес иштирокида жанжал келиб чиқди. Аввалига аргентиналик футболчи испанияликлар ҳимоячиси Эрик Гарсияни бўйнидан ғазаб билан ушлаб олди, сўнгра жамоадошини ҳимоя қилмоқчи бўлган яримҳимоячи Гавига ташланди.
«Майдонда ўзингизни хавфсиз ҳис қилишни истайсиз. Шу сабабли жазо шунчалик жиддий бўлиши керакки, ортиқ ҳеч бир футболчи бундай иш қилмасин.
Футболда нима бўлмасин, мағлубиятдан ғазабланишингиз мумкин, аммо ўзингизни муносиб тутишингиз зарур. Агар муштлашмоқчи бўлсанг, бунинг учун жойлар бор, лекин Гарсияга қарши майдонда эмас. Сенинг 21 ёшли йигит Гавига қилган муомаланг ва уни майдонда йиқитиб ташлашинг... Ахир у ҳам кимнингдир ўғли, укаси. Шарманда. Қўлимдан келса, уни кейинги мусобақадан тўлиқ четлатардим. Қўрқоқ», — дея Агбонлаҳор сўзларидан иқтибос келтирди Goal.
