Мадриднинг «Атлетико» клуби ҳимоячиси Маттео Ружерининг агенти Туллио Тинти ўз мижозининг келажаги ҳақида фикр билдирди.
«Фиорентина», «Рома» ва А Сериянинг яна бир клуби Ружерига қизиқиш билдирди, аммо «Атлетико»нинг режалари аниқ: улар Маттеони ўз сафида олиб қолмоқчи. Шунинг учун у «Атлетико»да қолади», - деди Тинти Sky Sports'га интервюда.
Эслатиб ўтамиз, Маттео Ружери 2025 йилда «Аталанта»дан 17 миллион евро эвазига Мадриднинг «Атлетико» клубига ўтган. Унинг «матрасчилар» билан шартномаси 2030 йилнинг 30 июнига қадар мўлжалланган.
Маълумот учун, 2025/26-йилги мавсумда ҳимоячи Мадрид клуби сафида барча мусобақаларда 47 та ўйин ўтказиб, еттита голли узатмани амалга оширди.
