Франция миллий жамоаси ва «Реал» клуби ҳужумчиси Килиан Мбаппе ЖЧ-2026 якунлари бўйича «Олтин тўп»ни қўлга киритиш учун асосий даъвогарлардан бири бўлиб қолмоқда.
L’Equipe маълумотларига кўра, Испания миллий жамоасининг жаҳон чемпионатидаги ғалабаси «Олтин тўп» учун овозларни Родри, Ламин Ямал, Фабиан Руис ва Дани Олмо ўртасида бўлиб юборилишига сабаб бўлиши мумкин.
Француз нашрининг тахмин қилишича, бу Мбаппе фойдаси ишлаши мумкин, гарчи у бу мавсумда клуб ва миллий жамоада бирорта ҳам соврин юта олмаган бўлса-да.
Эслатиб ўтамиз, Килиан Мбаппе 10 та гол уриб, жаҳон чемпионатининг энг яхши тўпурари бўлди. 2025/26-йилги мавсумда ҳужумчи «Реал» сафида барча мусобақаларда 44 та ўйин ўтказиб, 42 та гол урди ва 7 та голли узатмани амалга оширди.
